أتذكر مرة كنت أتكلم مع صحباتي وكل وحدة منا تقول وش الأشياء اللى تدمجها بالأكل ويطلع طعمها لذيذ !

كل وحدة منا بدأت تقول اللى تسويه ويوم جا دوري قلت أكثر شي طبيعي بالحياة - من وجهة نظري طبعًا -

رز وموز ! يعني أكثر مكس طبيعي بعايلتنا…

الكل الكل بلا استثناء ناظر فيني بنظرات استغراب اللى وشلون تدمجيهم مع بعض !!!

وكانت في الحقيقة صدمة لي قبلهم لأن شلون يعني ما تأكلون موز ورز مع بعض !

ما تكمل لذة الزر بالنسبة لي إلا مع الموز خصوصًا الكبسة

ومن هنا تحديدًا بدأت ادخل عالم الفروق بين ثقافات البشر

واتمنى اللى ما جرب المكس مايحكم عليه إلا بعد التجربة ، صحبتي تقول أكل أطفال مدري شلون خطر في بالها التشبيه هذا بس هو من بعيد يبان كذا لكن والله لذيذ !

يعني تخيلوا معي الرز مليان بهارات ونكهات قوية والموز يجي مثل القوام الكريمي عليه !😋