رأيى بعد ما بحثت عن الموضوع شوي

عجبني الموضوع جدا، خصوصا الربط بين القانون والأخلاق، لأن التاريخ نفسه كشف إن القانون لوحده مش دايما معيار للعدل. فلو كان القانون مجرد قواعد شكلية من غير ضمير، إزاي نفسر محاكمات نورمبرغ وإدانة جرائم النازية؟

يكفي نفتكر محرقة الهولوكوست، اللي أودت بحياة حوالي ستة ملايين يهودي، علشان ندرك إن وجود قانون أو نظام مش معناه بالضرورة وجود إنسانية أو عدالة، وإن الشر ممكن يلبس ثوب القانون نفسه. لذلك يبدو إن الإنسان ما يقدرش يهرب تماما من السؤال الأخلاقي، ويمكن حيرة كلسن نفسها كانت دليل على إن المسافة بين القانون والأخلاق مش بالوضوح اللي بنتصوره. وأحيانا بيكون السؤال الأخلاقي أهم من السؤال القانوني، ودي من أكتر النقاط اللي أثارها النص بشكل يدعو للتفكير.